Naam kya hai uska pata nahin mujhe,
beti, behan, maa aisa bulate suna tha maine.
Ek purani filon ki dher main kuchh dhoond rahi thi,
Bechani main thik se check bhi nahin kar rahi thi.
Hateli aur chehre pe kaafi paseena tha,
jaise final exam main dedh ghante der se pahonchi ho.
kareeb jake dekha toh ajeeb si halat thi uski,
Kuchh janwaron ne jaise nocha tha usko,
merham lagaya tha kisine par kaafi ghao khule the.
Maine puchho pagal ho kya aisi halat main,yeh pahad akeli chhant rahi ho?
Boli nahin akeli nahin thi, kaafi log aaye the mere saath,
Kuchh filmen aur cricket dekhne chale gaye,
kuchh naye saal ki shuruat karne.
Main akeli rah gayi hoon koi baat nahin,
das-barah saalon main mil hin jayega, shayad.
No comments:
Post a Comment